網紅的藏寶箱今年嘅生日丫仁竟然諗翻起上年同月同日嘅唔同待遇，雖然唔係太鍾意理事長，但係啲一刻係比較之下我覺得而家好似比較有人鍾意多啲！
好耐都未試過正日生日返工，今日竟然收到理事長同埋佢老婆夾份送俾我嘅公司禮物。過咗30之後生日都唔想返工，會請AL避一避世，同時36已經唔想周圍大群慶祝囉！！所以老闆娘都係暗暗地拍拍我膊頭俾咗份生日禮物我，攞上手第一個諗就係手巾或者百貨公司禮券……之後個腦不期然諗返起上年係外資人事公司開會情境，個仆街女上司係我生日remote work同我講買咗份生日禮物俾我，同時亦同我講完約不再續，真係一啖砂糖一啖屎！！我要秉承嗰日係佢面前講嘅一句說話：「我去到邊都冇問題，都會有人愛錫，但你……」我都算做到當日嘅承諾，確實去到邊都有人錫阿叔我囉～
Search